花旗:建滔系業績改進;薦積層板,惟削價至4﹒2元

花旗集團發表研究報告,指建滔系業績持續改進,雖然建滔化工(00148)及建滔積層板(01888)中期業績分別低於該行預期18%及10%,惟該行認為不利因素已反映於股價,現時兩隻股份估值均低。

該行續稱,兩間公司的毛利率及盈利均持續改善,惟該行較推薦建滔積層板,因其業務對比建滔化工更加穩定,同時盈利波動性較低。

基於持續改進的勢頭及去年的低基數,該行認為,建滔化工及建滔積層板下半年除特別項目前盈利將分別增長37%及48%。管理層透露,建滔積層板7、8月份的使用率高,而建滔化工於次季將苯酚╱丙酮每月產能,由25000噸上調至41700噸(按年增150%),其貢獻將於下半年反映,而公司下半年及明年將繼續有預訂物業銷售,因有400平方米的龐大組合支持。

建滔化工及建滔積層板的淨負債比率於上半年分別急升至45%(去年底為33%)及27%(去年底為20%),該行指,管理層稱不會於2013年底前增加負債額,暗示淨負債比率將下降。該行指上述說法需要兩個假設支持,其一是資本開支(今年預算為30億元)要低於EBITDA(約58億元);其二是無新的買地計劃進行。

該行維持兩隻股份的「買入」投資評級,惟對目標價均作出下調。該行將建滔化工的目標價由35元下調至28元;建滔積層板則由4﹒7元下調至4﹒2元。3/9/2014

建滔積層板(1888)係滬港通可買賣股份,講質地,得6倍單位數PE,兼有6厘高息,加埋水向下流道理,呢類最初唔起眼嘅企業,遲早俾祖國資金掘到,整鋪勁。

建滔板主打覆銅面板,全球市佔率達到14%,兼連續九年高踞行頭第一位嘅龍頭位置,絕對係架勢堂。建滔板主打瓣數,下家包括家陣仍然熱銷嘅智能手機同埋汽車智能化產業。根據International Data Corporation(IDC)嘅資料,今年全球第三季智能手機嘅出貨量,達到3.28億部,按年增加25%,按季增加8.7%。

業績理想可博中線

更重要嘅係,據IDC分折,行內五大出貨商,持續成長,反映市場仍然有競爭空間。又喺咁大基數底下,估計明年全球手機出貨量,仍然達到12%嘅雙位數增幅,去到14億部。建滔板食住呢瓣,已經好掂檔。

又據中國汽車工業協會數據,祖國今年頭十個月汽車銷量1,898萬輛,按年增加6.4%。祖國汽車市場喺行頭整固期,仍然有唔錯單位數增幅,再講,據行內預測,明年祖國智能汽車市場規模,會超過1,500億元人仔,咁大塊餅,加埋建滔板本身江湖地位,又分到一杯羮。

場內專業評估,建滔板今年EPS增長近10%到0.44元,現價(2.99元)預測PE得6.8倍,預測息率兼高達6厘,吸引到痹。又建滔板喺江蘇省江陰市建滔裕花園一期,幾乎完工,呢壇製作,食住阿爺放寬限購令同減息,係extra bonus,照計,推售反映,明年度打後業績,仲靚仔,兼有甜品派送嘅可能。
咪扯咁遠,煲建滔板,博中線少少,翻半番到近4.5元計數,預測PE先得10倍,對於好多祖國鑊鏟友嚟講,呢個PE水位,算係乜?

錢雋

Advertisements

发表评论

Fill in your details below or click an icon to log in:

WordPress.com Logo

You are commenting using your WordPress.com account. Log Out / 更改 )

Twitter picture

You are commenting using your Twitter account. Log Out / 更改 )

Facebook photo

You are commenting using your Facebook account. Log Out / 更改 )

Google+ photo

You are commenting using your Google+ account. Log Out / 更改 )

Connecting to %s